അങ്ങാടിപ്പുറം: ചെരക്കാപറന്പ് നിർമാണത്തിലിരുന്ന വീടിന്റെ ഷോവാൾ തകർന്ന് വീണ് യുവാവ് മരിച്ചു. കല്ലുപാലത്തിങ്ങൽ രമേഷ്- സ്മിത ദന്പതികളുടെ മകൻ ഗോകുൽ (24) ആണ് മരിച്ചത്.
അപകടം സംഭവിച്ച ഉടൻ തന്നെ മാലാപറന്പ് സ്വകാര്യ മെഡിക്കൽ കോളജിൽ പ്രവേശിപ്പിച്ചെങ്കിലും ഇന്നലെ ഉച്ചയോടെ മരണപ്പെടുകയായിരുന്നു. പെരിന്തൽമണ്ണ ഗവണ്മെന്റ് ആശുപത്രിയിൽ പോസ്റ്റ്മോർട്ടത്തിന് ശേഷം മൃതദേഹം ഇന്ന് ഉച്ചയ്ക്ക് 12ഓടെ അങ്ങാടിപ്പുറം നീലീശ്വരം ശ്മശാനത്തിൽ സംസ്കരിക്കും. രാഹുൽ, അഖിൽ എന്നിവരാണ് സഹോദരങ്ങൾ.